Kusog mamoso

Gula 6

Padayong gikomedyahan si Letlet sa duha niya ka ig-agaw samtang nagsugod na sila pagkaligo.

“Kun imbitahon ka ni Arnel nga manuroy mo’ng duha Let, mosugot ka?” laing pangutana ni Sonia sa iyang gwapa nga ig-agaw. “Ambot lang,” mubo nga tubag ni Letlet.

Padayong naminaw ra si Arnel sa luyo sa koral sa puso. Wala siya’y hunong sa pagli-li sa lungag nga gituyo niya sa paghimo. Diha gihapong dapita si Letlet maligo. Apan nag-short pants na si Letlet niining higayuna.

Sanglit hayag man kaayo ang sodium lamp nga gibutang ibabaw sa poste nga duol ra sa puso, nasuta gayud ni Arnel ang kanindot sa lawas ni Letlet. “Tubaga lagi mi Let kun mosugot ka ba kun makigpanuroy nimo si Arnel?” daw namugos g’yud si Sonia.

Wala gayud motubag si Letlet. “Kun kami ang imong pangutan-on Let, sige ayaw balibari kun mangimbitar nimo si Arnel og pagpanuroy,” matud ni Sonia.

“Bitaw Let, tan-aw nako buotan man si Arnel,” tubay sa lain niining ig-agaw. Nahimuot si Arnel kay ingon sa nakaayon kaniya ang duha ka ig-agaw’ng babaye ni Letlet. Unya, takulahaw lang nakaginhawa’g lawom si Arnel.

Nakita niya nga gihukas ni Letlet ang iyang basa nga shortpants apan hinoon nagtapis kini’g tualya. Apan sanglit diha kini nag-atubang sa koral nga sin, diin diha sa luyo niini si Arnel, klaro gihapon niya nga nakita. Napahit ni Arnel ang kaugalingon niyang ngabil. Nanghugot ang iyang kaunoran ug may nabantayan siya nga mora’g dunay mibarug. Kusug kaayo ang pagkuba-kuba sa iyang dughan. Taud-taud namiya sa puso ang mga dalaga.

Mibalik na si Arnel sa ilang balay nga nagyuko gihapon nga naglakaw ilawom sa kamaisan. Karon misantop sa iyang huna-huna nga sanglit Domingo, dapiton niya’g panuroy si Letlet. Mga alas dies sa buntag, mibisita si Arnel sa balay sa silingan nila nga si Caridad nga gipuy-an sa tulo ka dalaga.

“Misuroy ka lagi Nel?” matud ni Letlet nga sulagma nga maoy nakasugat dihang nangayo siya’g katahuran. “Kuan, imbitahon ta unta ka og panuroy Let, ang motor lang sa akong ig-agaw nga si Philip Cerojano ang akong gamiton.”

Nakita ni Arnel nga mipahiyom si Letlet. Nakadungog diay ang duha niya ka ig-agaw sa pagsulti ni Arnel. “Sige na Let, ayaw balibari si Arnel, kun kami pa ang giimbitar motangdo g’yud dayon mi,” matud sa testisan kaayo nga si Sonia.

“Magmotor ta? Sigi kay magpatudlo ‘sab ko nimo’g drayb kay dugay na ko nga wala na maka-drive og motor,” ni Letlet pa. Giteksan dayon ni Arnel si Philip, ang ig-agaw niya nga taga Barangay Paril nga reporter sa tabloid nga mantalaan, aron ihatud ang motor. - Sumpayan