Huwes nga pabor sa guwapa
Alas 8:30 sa buntag. Nag-abot sulod sa husgado ang duha ka abogado nga klasmet sa law school. Puro sila may tambongang bista. Apan wa sila nagkaatbang og kaso. Wa pa niabot ang huwes. Busa, wa pa magsugod ang hearing. Nakahigayon silag tsikatsika.
“Bay, unsay specialty nimong mga kaso?†ni Atty. Bart Dawat ngadto’s iyang katupad sa too nga si Atty. Jack Sanggot. “Labor cases†ni Jack. Nitotok sa katupad. “Ako, nullity of marriage†ni Bart. Nipahiyom sa katupad. “Mangunsulta hinoon ko nimo. Kay naa koy usa ka kaso nga nullity of marriage sa sala ni Judge Dante Alho,†ni Jack. “Unsa man imong kliyente? Asawa o bana?†ni Bart. Nihayag ang nawong. Kay mapasegarbohon nga mopagawas sa iyang kaalam. “Asawa†ni Jack. “Guwapa o batig nawong?†ni Bart. “Guwapa man hinoon†ni Jack. Naisang kilay. “Way problema. Daug ka seguro. Basta naang Judge Alho ang kaso†ni Bart. Mapahiyomon.
Nahibulong pag-ayo si Jack. “Importante diay sa nullity of marriage ang hitsura sa asawa nga magpaanular?†ni Jack. Wa kapugong sa iyang kakuryoso. “Bililhon kaayo, bay. I-research ang tanang kaso sa nullity nga gihukman ni Judge Alho. Tanang guwapa nga petitioner, granted. Tanang laksot og nawong nga petitioner, denied,†ni Bart. Daw nag-lecture og estudyante. “Luoya sa mga bati, no?†ni Jack. Nimug-ot.
“Luoy gyud. Pero, ako nang napangutana ana ang huwes. Off the record iyang tubag†ni Bart. Naseryoso. “Unsa may iyang rason?†ni Jack. Nibudlot ang simod. “Ang bati lisod na man mahalin pa. Ang guwapa mahalin pa man†ni Bart, sa malumong pulong. “Butangi!†ni Jack. Nakasagpa sa iyang agtang. “Tinood bitaw, bay. Mao gyuy pulong sa huwes†ni Bart. Nitoo na lang si Jack. Total, guwapa man iyang kliyente. (Kataposan) (Sa gusto’g libreng kunsulta, dad-a ning pahina sa sugilanon sa opisina sa tagsulat, sa Sabado’s buntag)
- Latest
