Goodbye is not Forever
Gula 110
Tinuod nga dunay gitago si Vanessa kanimo, Albert,†nagkanayon si Mr. Santos.
Mikunot ang agtang ni Albert sa kalibog. Gitutokan niya si Mr. Santos. Wala siya makatugkad sa gipamulong niini. Mapangutan-on ang iyang tinan-awan ngadto sa amahan ni Vanessa.
“HIV positive si Vanessa, Albert,†tug-an ni Mr. Santos. Hinay ang iyang tingog apan ingon kini sa nakabungol kang Albert.
“U-unsa?†mitungas ang iyang tingog.
“Mao kanay findings sa doktor nga nag-eksamin kang Vanessa. HIV positive ug anaa na kini sa acute stage,†makapakurog nga taho ni Mr. Santos.
“No-no...†nalusno si Albert sa iyang gilingkoran. Mora siya’g gitamparos sa iyang nabati. Unsaon niya pagdawat ang maong mapait nga kamatuoran? Wala sa hunahuna nga gikuha niya ang mga kamot ni Vanessa ug hinay nga gidala ngadto sa iyang mga ngabil.
“T-tinuod ba kini, Vanessa?†hinay niyang pangutana.
“P-pasayloa ako, Albert, nga lakip ikaw maangin ning hitaboa.†Lugos makalitok si Vanessa nga niining higayona misugod na’g pangagas ang mga luha. Wala na siya’y mahimo gawas sa pagbutyag na lang sa tanan.
Wala’y tingog nga nalitok si Albert. Niining higayona, ang mga ginikanan ni Vanessa nanggawas na sa pultahan. Didto sila mopaingon sa hardin sa gawas.
“Pasayloa ko, Albert nga namakak ko nimo. Wala mi muadto sa Bicol, gikan mi sa Manila nagpahiling ko’g doktor didto. Mao kana ang tinuod. Dili lang ko gustong maguol ka, Al, maong ako kadtong nabuhat.†Tug-an ni Vanessa. -- Sumpayan pa
- Latest
