Kaliwat ni Magdalena

Gula 6

Wala gayud mosipyat si Manny pagkuha ni Jessa nga maoy iyang ipartner niining gabhiona. Kun natagbaw si Manny sa panag-uban nila ni Lina, mas dili matukib ang iyang gibating kalalim sa panag-uban nila karon ni Jessa.

Sa tan-aw ni Manny mas batan-on si Jessa kay kang Lina mao tingali nga fighter kini sa kumbati sa kama ug nakapatagbaw pag-ayo kaniya. "Ikaw na g'yud Jess," giingnan ni Manny si Jessa samtang nagpahiyom.

Gitutokan pag-ayo ni Manny si Jessa. Maayo g'yud tuod pagka porma ang dagway ni Jessa. Gihapohap ni Manny ang iyang nawong. Gitutokan niya ang baga nga kilay ni Jessa ug ang iyang lumoy kaayo nga mga ngabil.

Ang nakita ni Manny gikan sa pagka babaye ni Jessa takulahaw lang nga nakapatimbakuwas ni Junior. "Rebansin ta," gihunghongan ni Manny si Jessa dungan sa pagakus niya sa dalaga.

Nagparayganay na usab sila si Manny ug Jessa. "Dobleha ang imong bayad ha? Pun-i ko kay bali man og kaduha ang akong serbisyo," giingnan ni Jessa si Manny. "Sure," mubo nga tubag ni Manny.

Gitagbaw ni Manny ang iyang kaugalingon. Nakapasalamat g'yud siya kang Jessa tungod sa naangkon niya nga kalipay. Human nila mabayri ang tulo ka oras nga pag-estar nila sa mabugnaw'ng lawak, nanakay sila pagbalik sa motorsiklo ni Manny.

Gihatud pagbalik ni Manny si Jessa didto sa Juana Osmeña duol sa usa ka bookstore. Duna pa gihapo'y mga babaye didto nga nagsuroy-suroy. Gihunong ni Manny ang motorsiklo og mikuot siya sa iyang pitaka aron hatagan og laing P500 si Jessa.

Apan kalit lang milanog ang siren sa police patrol car gikan sa iyang luyo. Paglingi ni Manny, may patrol car nga miabot ug pwerteng nakadagan sa mga babaye nga nangahadlok nga sila dakpon sa mga polis.

Mipaturatoy lang 'sab si Manny pagpadagan sa iyang motorsiklo. Nalooy siya kang Jessa kay wala niya kini mahatagi sa dugang bayad. Mipauli si Manny sa iyang giabtan nga balay kay alas-dos na sa kaadlawon.

Pagka-ugma, didto sa trabahoan ni Manny, nakapahiyom siya nga naghandum sa iyang kaagi kagabii. Nahuna-huna ni Manny nga nindot ang kinabuhi kun kanunay ka nga malipay. Misantop na usab sa huna-huna ni Manny nga motilaw na usab og laing Magdalena ug karong gabhiona adto siya mangita'g partner diha sa P. del Rosario. - (Sumpayan)