Goodbye is not Forever
Gula 86
Sa pagpanagsulti nila ni Albert ug Josheba, mao ray ilang nahimo ang pagkumostahay sa usa’g-usa. Sa sinultihan ni Josheba, matataw ang gihambin niini nga labihan nga kamingaw.
Wala’y kabutangan ang gibati nga kalipay ni Albert sa pagtawag ni Josheba kaniya. Nahinangop siya nga nakabati sa tingog sa babaye nga iyang hinigugma. Dihay kahasol ug kakulba nga mikupog kaniya. Gikuyawan siya nga naghunahuna sa sala nga iyang nabuhat kang Josheba. Unsa kahay iyang ipangatarongan kun masayod na ang iyang hinigugma sa iyang binuhatan samtang didto kini sa Canada -- sa iyang pagpakabuang kang Vanessa.
“Nalimot ka, Al?†nagkanayon si Josheba human sa taudtaod nga paghangpanay pinaagi sa telepono.
“Sa unsa, Sheb?†pakisayod ni Albert nga wala gyu’y ideya nga nasulod sa ulo kun unsa ang buot isulti sa iyang hinigugma.
“Atong anniversary karon, Al.†malipayon kaayo ang tingog sa dalaga. “I love you, Albert and I miss you so much.â€
“Aw, o diay, anniversary nato karon,†tubag ni Albert nga ingon sa nawagtang sa kalibotan ang iyang hunahuna.
“Dili ba diay ka mo-greet nako og happy anniversary? ni Josheba.
“H-ha? Aw, happy anniversary, Josheba,†matud ni Albert. -- Sumpayan pa
- Latest
