Si Isyat nga tindera og tuba
Sus, kanimo Islaw wala ka pa gani makabayad sa imong utang, modugang na ka sab og utang karong haponaâ€, pintok nga sulti dala ang pinabudlot sa iyang simod ni Isyat. “Sus, dili gani ka pautang panguyaban gyod ta ka ba,†komedya pa ni Islaw dalang tingsi sa iyang dagway. “Bahala pa’g unsay ibulatik nimo dili na ko ni pautangan akong tuba,†daling tubag ni Isyat.
“Pautanga lang ko ron kay bayran lagi tika rong Sabado kay mahalin nato ang akong baboy nga binuhi,†tubag ni Islaw nga dala ang kupot sa kamot ni Isyat.
Usa ka edad-edaran nang dalaga siya sa ilang baryo Mamingaw nga anak nilang Inse Terya ug Noy Basyo. May naninguha sa iyaha nga si Amboy apan wala niya sugta kay gidungog-dungog sa ilang dapit nga pamilya og hiloan silang kaliwata.
Kini si Islaw taud-taod na ni niyang suki sa tuba apan tagdugay lang mobayad.
“O, pautangon tika apan kataposan na lang gyod ni kay agop-opan sad ang listahan sa imong utang,†pamahayag ni Isyat nga dalang insulto.
Usa ka galong tuba ang gipautang niya kang Islaw karong higayona.
Bisan og may pangidaron na si Isyat apan hulma gihapon ang iyang kandiis sa aping ug ang lawas bigot apan gagmay la’g mga paa ug mga bitiis.
Pag-abot sa adlaw’ng Sabado, mitunga gyod si Islaw sa tindahan ni Isyat ug may dalang usa ka putos.
“Maayong hapon Day Isyat mobayad na ko sa akong utang sigon sa akong saad og may dala kong pasalubong kanimo,†sulti ni Islaw ug dayong tunol sa putos ngadto kang Isyat. Nakapahiyom si Isyat nga midawat sa putos.
“Unsa man ni Islaw,†nangutana siya.
“Bistidahon na ug paypay kay adlaw baya ron nimo,†tubag ni Islaw.
“Nganong gibuhat mo man kini kanako?,†pangutana ni Isyat.
Tungod kay may talagsaong pagbati nga dili masabot ang miturok sa akong dughan ug ginatawag kana nila og g-u-g-m-a,†tubag ni Islaw samtang naghatag sa kwarta isip bayad sa utang.
“I-s-t-o-r-y-a-h-e-e!,†mubong tubag ni Isyat nga mapahiyomon. Mao na lay nabalitaan sa ilang mga silingan nga nagpakasal silang duha sa huwes sa ilang lungsod! (Kataposan)
- Latest
