Goodbye is not Forever
Gula 80
Mipahiyom si Eking. Apan hilaw nga pahiyom ang miluta sa mga ngabil niini. “Unsa bay balita bahin kang Josheba?â€
“Maayo man kuno ang iyang kahimtang didto sa Canada mubong tubag ni Albert.
“Mas maayo hinuon aron dili ka mabalaka mahitungod kaniya,†nagkanayon si Eking.
Wala mutingog si Albert. Kalit hinuon mikisdom sa kasubo ang iyang nawong.
“O, unsa bay nahitabo nimo, Brod, nga kalit man lang nag-Biyernes Santo kanang nawong mo?†Sukot ni Eking nga nakamatikod sa paglamugdong sa iyang panagway.
Panghupaw maoy gitubag ni Albert.
“Anything wrong?†laing pangutana ni Eking.
Niining tungora, si Albert wala na makapugong pagpadayag sa diha sa iyang hunahuna. Ang tinuod, mao kini ang iyang tuyo sa pagpakigsulti kang Eking karon.
Gisugilon ni Albert ngadto kang Eking ang bahin kang Vanessa nga nahilambigit sa iyang kinabuhi. Nag-estoryahay sila lalaki-sa-lalaki. Wala’y lipud-lipud. Ang tanan gitug-an ni Albert ngadto kang Eking. Lakip ang pag-adto ni Vanessa ug sa amahan niini sa Bicol nga nakahatag kaniya og kabalaka.
“Imposible kanang mahitabo, Brod,†nagkanayon si Eking human makasugilon si Albert. “Kun mabdos man ugaling si Vanessa ikaw gyud ang una niyang sultihan niini. Kamo gong duha ang naghimo.†-- Sumpayan pa
- Latest
