Damage to property T.R.I.
Lunes. Ala una sa hapon. Imbis nga magdukaduka una si Glen sulod sa iyang talyer huma’g paniudto, wa siya nahimutang. Nagpanglantaw siya gikan sa iyang gilingkuran sulod sa talyer ngadto sa karsada. Duna siya’y gipaabot. “O, nganong mora ka mag nabalisa?†ni Vicky iyang kapikas samtang nagkugos ug nagpatotoy sa beberon sa ilang panganay. “Nakasaghid man god ko’g laing sakyanan niadtong Sabado. Hapon to dihang nagpalit ko’g pisa unya gidrayban nako atong multicab. Napaksit gyud ang pintal sa Isuzu Crosswind nga puti dapit sa tapolado sa atras wala nga ligid. Akong gihagad nga ako lay repair ug pintal. Gihatagan nako ang drayber nga mao ra sab tingale tag-iya, sa address dinhi†ni Glen.
“Wa kay angay kahadlokan. Kay naareglo ra diay nimo. Unsa may oras inyong sabut?†ni Vicky. “Alas dos†ni Glen. “Hulata na lang†ni Vicky. “Akong nahadlokan kun di to modayog ari. Unya mokiha na lang†ni Glen. “Pila man kahay balor sa damage?’ ni Vicky. “Mga kinyentos ngadto’s usa ka libo†ni Glen. “Anang kantidara di to maghasol og pangiha. Mahal god og bayranan ang abogado†ni Vicky.
“Di lang nato matag-an†ni Glen. “Unsa man gyud nang hitaboa? Wa man lang ko nimo istoryahi?†ni Vicky. Giistoryahan ni Glen ang kapikas.
Nag-aginod ang mutlicab gimaneho ni Glen kay mosulod na sa highway. Unya ang Isuzu Crosswind wa gyud nihatag og lugar. Nisaylo gyud. Apan nahapitan niya ang bumber sa multicab nga nag-aginod kay gipatipsingan man sab niya ang multicab. Niurong ang Isuzu sa unahan. Nanaug ang drayber. “May lisensiya ka ba Dong?†sa drayber sa Isuzu nga singkwentahon ang pangidaron. Gipakita dayon niya iyang lisensiya. Unya ang drayber sa Isuzu nipakita sab sa iyang lisensiya. “Nia o. Tan-awa akong lisensiya. Kay basi’g moingon sab unya ka nga wa ko’y lisensiya†sa tawo nga naila sa ngalang Ruben Sanggot sumala sa iyang lisensiya.
“Unsa man? Pakuha mog sketch? Kay mora’g kaso ni nga damage to property through reckless imprudence†sa tanod nga unipormado nga niduol nila. “Ay na lang. Kun bayran niya ang damage nga usa ka libo, areglo na lang†ni Mr. Sanggot. “Ako na lay repair ana, sir. Duna man ko’y talyer. Bisa’g adto ta karon dayon†ni Glen. “Di lang ron. Kay duna koy dinalian†ni Mr. Sanggot. “Kuhaa ang address sa iyang talyer ug telepono†niya pa ngadto sa lalaki nga batan-on nga daw iyang anak. Pasahero nga sa luyo naglingkod. Gihatag ni GLen sa batan-on ang inpormasyon ug gi-save dayon sa selpon sa batan-on. “Lunes sa alas dos sa hapon. Moadto ko’s imong talyer†ni Mr. Sanggot. “Magpaabot ko, sir†ni Glen. Nakapahiyom ang tanod. Ug nag-iyahay sila’g padagan sa tagsatagsa ka sakyanan.
“Wa toy planong mokiha. Kay kun mokiha pa, nagpahimo gyud og sketch ug police report†ni Vicky. “Basin pag di na lang. Kay hasol baya ang kaso,†ni Glen. Alas dos i medya na sa iyang relo de pulso. “Gihasolan sab seguro to sila’g ari sa talyer. Basig nakahukom ang tag-iya nga sila’y mamili og talyer unya gamiton na lang nila ang insurance†ni Vicky. Gibutang ang beberon sa lamesa. Kay hapit na mabasiyo. Ug natulog na ang puya. “Hinaut pa unta†ni Glen. Nibuhi og halawom nga gininhawa. Kay wa pa gyud siya kasuway og kaso.
Napulo ka tuig siyang assistant ni Noy Pedro nga maoy karaang mekaniko ining talyera. Karon nga niretiro na si Noy Pedro, si Glen nay nibanos sa talyer. Siya na say nag-abang sa tag-iya sa yuta nga gitarokan sa talyer.
Molimpiyo lang siya’g diyes mil ang bulan sa kita sa talyer, kuhaan sa tanang gastohan lakip ang suweldo sa duha niya ka assistant. Wa siyay utang. Busa kontento na siya sa diyes mil ang bulan. Pero kuyaw ang dunay kaso. Maong nakahukom siya nga sa sunod higayon, dublihon niya iyang pag-amping sa pagmaneho og sakyanan. (Kataposan) (Sa gusto’g libreng kunsulta, dad-a ning pahina sa sugilanon sa opisina sa tagsulat, sa Sabado’s buntag)
- Latest
