Swerte sa Bukid

Gula 6

Si Sandra maoy migunit sa flashlight ug gibanwagan si Ruel nga mitaud ngadto sa sakyanan sa gidala niya nga electric fuel pump. “Ipalihug ko og start sa makina Sand,” giingnan ni Ruel ang iyang girlfriend.

Wala mosipyat si Ruel kay miandar og maayo na’g kondisyon ang makina sa kotse ni Sandra. Nanaug si Sandra ug miduol ni Ruel. “Mao ra g’yud diay to’y guba no?” matud ni Sandra.

Human gipasalamatan nila ni Ruel ug Sandra ang tag-iya sa balay nga gibinlan nila sa naguba nga kotse, mibiya sila sa Barangay Pamutan paingon dinhi sa dakbayan.

Nag-una ang kotse ni Sandra ug nagsunod kaniya si Ruel. Pag-abot nila sa Barangay Busay duol sa Marco Polo Plaza Hotel, mihunong si Sandra. Mihunong ‘sab si Ruel ug giparking ang sakyanan luyo sa kotse ni Sandra.

“Unsay problema Sand? Naguba na ‘sab?” gipangutana ni Ruel ang iyang girlfriend. “Wala man, dali sulod ‘sa diri sa akong awto,” giingnan ni Sandra ang iyang boyfriend.

“Ibilin nako ang akong kotse sa gasoline station didto sa eskena sa JY,” ni Sandra pa nga mipadagan dayon sa iyang sakyanan. Gisunod ni Ruel si Sandra. Wala siya makasabot kun unsay buot ipasabot ni Sandra.

Gisunod ni Ruel ang kotse ni Sandra ug didto nalantawan niya nga miparking na sa gasoline station. Gisumpot ni Ruel ang iyang kotse sa likud sa sakyanan ni Sandra.

Misakay si Sandra sa kotse ni Ruel. “Nalipay kaayo ko Ruel nga giayo nimo ang akong kotse, unya naka-bonus pa g’yud ko kay naka-boyfriend pa g’yud,” ni Sandra pa.

Ingon sa milapad ang atay ni Ruel. Nagpatubil og gasolina si Ruel sa iyang kotse. “Mora ko’g mabuang sa imong romansa ganina Ruel uy. Gusto ko nga makig-uban nimo hangtud sa buntag kay dali ra kaayo ko nga gimingaw sa imong parayeg,” matud ni Sandra.

“Unsay buot mo nga mahitabo Sand?” nagpatuso-tuso si Ruel bisan og nakasabot siya’g gamay sa gusto nga ipasabot sa iyang girlfriend. Miparayeg kaniya si Sandra, migakus.

May gihung-hong siya kang Ruel. “Tinuod ka Sand? Magtupad ta’g katulog hangtod buntag?” daw dili makatoo si Ruel sa gihunghong kaniya sa iyang girlfriend.

Gikan sa Rotunda sa Lahug, mipasirit dayon si Ruel paingon sa Barangay Subangdaku. Nasabtan niya nga  gihidlaw si Sandra sa natagamtaman niini nga parayeg kaganina.

Samtang nagdagan ang kotse ni Ruel, nagsigi lang og parayeg si Sandra kaniya. Dali ra sila nga miabot sa ilang destinasyon. Misugod na sa pagkuba ang dughan ni Ruel nga dili makatoo nga moabut kining higayona karong gabhiona. (Sumpayan)