Taas, labong nga pilok

Karong 2013, dili kalimtan nga importante nga kanunay tang gwapa bisan daghang problema ang atubangonon. Atimanon ang kaugalingon aron di na kinahanglan mogasto og dako sa mga beauty salons. Usa sa makagwapa mao ang tag-as ug healthy nga pilok. Diay mga tips ang mga eksperto haron ma-maintain ang beauty sa imong mga pilok.

1. Kaon og balanced diet para ma-maintain o ma-improve ang health sa imong pilok. Kung kuwang sa nutrients, imong buhok, apil na ang pilok, munipis, daling maputol o daling maibot.

2. Inom og multivitamin para siguradong makakuha og bitamina ug minerals nga kinahanglan para makaangkon og lig-on ug taas nga pilok.

3. Likayan ang paggamit og eyelash curler samtang imong gipatubo o gipa-repair imong pilok. Ang pagbira-bira ug pagpa-bawg  maka-damage sa pilok.

4. Bas-a ang gapas og gamay’ng olive oil. Ipahid ni sa pilok kada buntag. Ipabilin sud sa lima ka minuto unya trapohan og oil-free eye makeup remover.

5. Apply og eyelash conditioner. Hugasi ang ginamit nga mascara brush ug butangan og gamay’ng petroleum jelly. Ibagnos ni sa pilok. Panghilam-os inig buntag.

6. Bisan unsay i-apply sa pilok, magbantay nga dili ni mo-sud sa mata.