Goodbye is not Forever
Gula 51
Wala sila motipon pagpangaligo sa daghang tawo. Nagpalain sila sa ubang mangaligoay.
“Tuod diay, Albert, nagkanayon si Vanessa. “Mi-email ka na ba sa imong girlfriend isip tubag sa iyang email diha kanimo?”
“Wala pa,” laktod nga tubag ni Albert. “Na-busy ko. Nasayod ka na hilabihan ka estrikto sa atong team manager. Dili ta puydeng makayabagyabag nga motrabaho og lain. Ug sa balay pud permi lang ko gilaayan.
“Bitaw,” ni Vanessa pa. “Kami gani, kanunay sab gikapoy tungod sa ka bisi.”
Sige lang,” ni Albert pa. “Unsaon nga trabaho man. Ato kining katungdanan. Pilit kita sa pagtuman kay ato man kining obligasyon ug aron usab duna tay kuwarta nga madala sa atong panimalay.
“Hinuon,” matud ni Vanessa. “Enjoy kaayo ako sa akong trabaho. At least makatabang pud ko sa akong mga ginikanan.
“Tinuod kana,” ni Albert nga miuyon sa gisulti sa dalaga. “Tam-is palandungon nga nakatabang ta sa atong pamilya. Dalaygon kaayo ang maghimo niining maong matang sa dakong sakripisyo ngadto sa mga tawo nga nagsakripisyo usab kanato.
Wala na mosumpay sa pagpamulong si Vanessa. Gipasuroy niya ang iyang mga panan-aw sa palibot. Taudtaod gyud. Nakita niya ang daghang mga tawo nga malipayon kaayo nga nangaligo sa dagat. -- Sumpayan pa
- Latest
