Dark secret

Dear Tita Salie,

Have a wonderful day. Just call me Mr. Confused, married ug dunay 2 ka buok mga anak. My problem started when I was 10 years of age. Karon nag-edad nako og 20 ako lang gihapon nga gihambin.

Sulod sa dugay na nga panahon ako usab kini nga gitago sa akong asawa. Wala gyoy nasayod sa akong dark secret, Tita. Nahadlok man god ko nga likayan na unya ko sa akong mga higala kun ilang masakpan ang kamatuoran sa akong pagkatawo. Nahadlok ako nga biyaan sa akong pamilya, sa akong asawa ug mga anak kun ilang masayran nga dili ko straight nga pagkalalaki. Dili gyod ko 100% percent nga lalaki, Tita.

Ako man god nga na-realize o namatikdan usab nga maibog man ko og pareho kanakong lalaki kun duna ko’y makaila nga mora og ganahan ko niya kulbaan dayon ko, Tita. Mag-imagen dayon ko nga nag-sex mi. I really don’t like this feeling, Tita. Apan dili gyod nako ma-control ang akong kaugalingon.

Gusto ko gyod nga mawagtang kining akong dark secret kay bati gyod siya. Maulaw ko kun masayran nila ang kamatuoran. Wala masayod ang akong asawa nga usahay mogamit ko og lalaki. Unsa may akong buhaton, Tita? Palihog pasabta ko. Daghang salamat sa imong pagtagad and more power. -- Mr. Confused

* * *

Dear Mr. Confused,

Since ang problema mahitungod kanimo ug nasayod ko nga dili gyod kini tinuyo, I know nga kaya gyod nimo kining i-handle o i-control. Ilabi na kay matud pa nimo nga dili ka ganahan sa mao nimong feeling, so, kun dili ka ganahan niini dali ra kini nimong ibaliwala ug dili nimo i-entertain. Sa panahon gani nga motukar ang imong feeling ngadto sa sama nimong lalaki ayaw siya paundayoni pakganga o putla dayon. Pananglitan kun duna kay nakit-an nga gwapo ug macho samtang nagkuyog mo ni misis, ayaw pagsige og tan-aw sa maong lalaki, ayaw pagtutok ug ayaw paghunahuna og lain. Hinuon, pakig-holding hands sa imong misis o kaha agbaye siya ug pakig-estorya mahitungod sa inyong plano sa inyong pamilya. I-divert ang imong attention kay kun imong pasagdan ang imong kaugalingon to the point nga mag-imagen kana mas mograbe pa ang imong gibati. Ug ayaw na paggamit og lalaki kay kun magsige ka niining maong buhat dako kaayo ang possibility nga mausab ang imong pagkalalaki ug maglisod kana hinuon pag-control sa imong kaugalingon.

Maoy hunahunaa kanunay ang imong pamilya, labina ang imong mga anak. Ayaw buhata ang ikaguba sa imong pamilya. Ang hunahuna maoy pagiyaha sa imong kinabuhi. -- Tita Salie