Ang katigulangon bahandi sa pagkatawhanon, mapandol na lang dayon, mobukot ang pagkakalimtanon. Ang mga mata gilawa-lawaan, layo na kaayo ang tinan-awan.
“Noy, tigulang na gyud ka. Wala nay mahims? Dili na makabuga?” ni Inday pa nga mahagiton.
“Hala, sulayi kun tinuod ba imong gisulti,” ni Noy Hunsoy nga niduko dayong singo sa naglabong nga butang, balhiboon kaayo.
“Uhmmm. Paputol nya sa imong buhok Day, wala ka man magsyampo. Pweh!” pwerting nakasimhot ni Noy Hunsoy.
“Naunsa ka Noy? Ang ulo sa akong iro nga si Blaki ang imong gihikap ug gisimhot. Dia ra ko diri sa imong luyo oi. Nakatakilid ko pagdayon nimong duko ganina,” ni Inday pa nga nagngisi.
“Unsaaa? nakalitan si Noy Hunsoy. Tinuod, dili na gyud siya makaklaro, apan ang kabatan-on ug kaabtik sa iyang hunahuna, nagpabilin pa. Nalutsan si Noy Hunsoy sa iyang kapilyo. (Kataposan)