Pasiplat lang

Dear Tita Salie,

Have a wonderful day and how are you? I just hope that you are happy always. I used to read Banat News and your column before, Tita, kadtong dili pa ko busy with my studies. Karon nga graduating na ko panagsa na lang gyod ko makabasa.

Just call me Erika, single ug nangtungha pa lamang karon. My problem is about my lovelife. Duna man god koy crush sa dihang nagtungha pa lamang ako sa 3rd year. Na-inlove gyod pag-ayo ko niya ug kiligon kaayo ko kun ako siyang makit-an.

Hangtud nga nag-4th year na ko, na-surprised ko, Tita, kay wala man ko magdahom nga manguyab siya nako. Apan sa iyang pagpanguyab nako akong nasayran nga duna na siyay girlfriend. Pero bisan kun duna na siya’y uyab matud niya nga love kaayo ko niya.

Dili kaha panakip butas lang ko niya, Tita? Unya akong naobserbahan nga kun magkita mi mora man og baliwala lang niya, dry kaayo siya og tinagdan. Dili kaayo siya moestorya ug igo lang siya magpasiplat nako. Tinuoray kaha siyang nahigugma nako Tita? Unsa may akong buhaton? Palihog pasabta ko. Daghang salamat and more power to your page. God bless.. -- Erika

* * *

Dear Erika,

Mas maayo siguro kun imo siyang i-heart to heart talk. Imo siyang sultihan sa tinuod nimong nakita kaniya. Imo siyang pangutan-on kun wala ba siyay problema nganong ingon niana ang batasan. Imong pangutan-on nga tingali kun dili siya malipayon sa inyong relasyon. Ug imo siyang pangutan-on kun unsay imong buhaton aron siya magmalipayon sa inyong relasyon. And in the same way imo usab siyang sultihan kun unsay iyang buhaton nga malipay ka uban kaniya.

Ang panag-uyab maoy higayon nga gihatag kaninyong duha aron mailhan ang usa’g-usa, aron ma-develop ang inyong maayong relasyon.Ug sa usa ka relasyon gikinahanglan gyod nga open mo sa usa’g-usa. Busa tabangi siya nga ma-develop ang iyang kaugalingon ug mamahimo siyang open kanimo.

Tingali kun sobra usab ang iyang kamanggiuwawon. Pakig-estoryahe siya kanunay. Kun magkita mo paningkamote nga daghan mo og estoryahan aron maanad siya. Magkumostahay mo sa usa’g-usa ug pangutan-a siya kanunay aron mapugos siya pag-estorya og dili kay mopasiplat na lang. -- Tita Salie