Split ends

Split ends maoy resulta sa sobrang effort nato nga monindot atong buhok sama sa pag-brush ug sa mga lain-laing kemikal nga ipahid ug sa mga instrumentong gigamit sa ngan sa beauty. Kinahanglan handle with care ta sa atong buhok para magpabilin ning healthy. Niay mga suhestiyon gikan sa mga eksperto.

1. Ayaw pag-shampoo kada adlaw. Mawagtang ang natural oils nga maoy mohatag sa healthy nga hitsura. Kung mag-shampoo, dili kalimtan ang paggamit og conditioner kay makapa-improve ni sa kalig-on sa buhok ug makapasinaw.

2.Ig human og shampoo, puston ang buhok sa tualya imbes ibagnos para mauga. Kung basa ang buhok, mas dali ning maputol.

3.Dili mag-brush kung basa ang buhok. Moinat ang buhok kung basa ug daling maputol. Sudlaya og hinay-hinay gamit ang sudlay nga dunay dagkong ngipon.

4. Huwata nga medyo uga-uga na before mogamit sa hair dryer or curling iron. Di maayo sa buhok nga basa ang kainit ani.

5. Dili mag-brush og 100 times sa gabie. Dili tinood nga makapasinaw ni sa buhok. Maka-damage hinuon ni.

6. Hair colors, tina, pakulong ug relaxers dunay mga isog nga kemikal nga maka-damage sa buhok. Dili isagunson ang paggamit ani.

7. Protektahi ang buhok pinaagi sa pagsul-ob og kaw kung mogawas sa init sa adlaw.

8. Gamit og moinat nga panapton, dili lastiko, kung gustong higtan ang buhok.