Ang pagkamanggihatagon maoy motukmod sa binuhat sa pagpaambit sa uban. Kun ikaw manggihatagon, imong masinati ang pagsubay sa nagkadaiyang agianan, mga lutsanan ug gawsanan, bisan pa sa kahagip-ot sa dalan aron lamang ikapanghatag ang imong pagkamainiton.
“Oi Bentong nagluya ka man gud dinhi sa suok. Naunsa ka?” sukna ni Tekya.
“Sus kanimo Tekya, bisan og giunsa na lang nako og pagpasabot ang akong pagkamanggihatagon apan wala man gyud ko nimo pasudla, wala paagia ug wala palutsa. Asa ko man kining tanan ipanghagad?” dala pagmahay nga pamulong ni Bentong.
“He, he, si Bentong baya, kadali ra gyud baya nimong manluod oi. Gisuwayan lang tika kun wala ka ba mausab sa imong pagka ikaw. Salamat Bentong, napamatud-an ko na ang tanan. Hangtod karon, bisan pa sa atong pangedaron sa pagpangalarag wala ka matay-og, andam gihapon ka nga manghatag sa imong kamainiton,” dayong gakos ni Tekya.
“Salamat Tekya, dali magsugod na ta. Mabugnaw nya tong lugaw nga akong giandam. Unsaon nagdili dili pa gyud ka. Andam na to. Gilutoan tika. Mao na lang ni atong madalidali og kaon, wala na tay ngipon.”
Ug tuod man, gisaloan ni Bentong ug Tekya ang linugaw nga nagsabak sa kamainiton nilang gugma sa usa’g-usa. (Kataposan)