Padayon ang kalihokam sa mga protesta

Ang timailhan nga hingpit na nga mahunong ang mga protesta nga pagahimoon sa kadalanan kun mahingpit na usab nga gihatagan og tubag sa kagamhanan ang batakang panginahanglan nga makasulbad sa kalisod ug kagutom nga gisagubang sa katawhan.

Matud pa nila nga kun nagpadayon man hangtod niining panahona mao lamang kini ang kamatuoran nga bisan sa gipadayag nga kalamboan sa atong kagamhanan sa gihapon wala gayod kini kahatagi og tukmang kasulbaran.

Sa State of the Nation Address (SONA) ni Pangulong Benigno Simeon Aquino III, maoy iyang gipadayag ang mga kalampusan sa iyang administrasyon nga sa pagsumpo sa pagpangawkaw sa salapi sa kagamhanan.

Kini ang hinungdan sa mga kaso nga giatubang sa mga opisyal sa gisundan niyang administrasyon nga naglakip ni kanhi Presidente ug karon Kongresista Gloria Macapagal Arroyo.

Kun nasumpo na ba kining maong suliran apan nganong nagpadayon man gihapon ang susamang kahimtang sa atong mga buhatan sa kagamhanan nga sama sa pagpanglusot sa mga kontrabando nga naglakip sa luho kaayo nga mga sakyanan, pagdagsang sa ilegal nga drugas ug uban pa.  

Dili ikalimod nga daghan ang mipagakpak sa presidente sa iyang giluwatan nga pamahayag apan maoy ilang pagtuo nga sagad niadto kanila sa mipagapak mao lamang usab kadtong mga nabulahan sa kasamtangan karon nga namunoan.

Dugang pa nila apan ang mga tawo nga wala makatagamtam og katagbawan daw igo lamang sa ilang pagtamihid ug ang pipila kanila nga wala gayod makaantus atua sa kadalanan sa pagsalmot sa protesta nga gipasiugdahan.

Sa maong protesta maoy ilang gilabhan sa mga pagsayaw si Pangulong Aquino uban ang pagpadayag sa kakulang sa katagbawan sa gipasiatab nga kalampusan sa iyang administrasyon.

Gihulagway sa misalmot sa maong piyesta ang gibati nilang kagutom nga maoy hinungdan nga nagdala sila og kamote ug bulad nga isda nga maoy nagtambal sa gibati nilang kagutom tungod sa kalisod sa panginabuhi.