Asawa nga palaanak

Sus Panyong, nagsige man gihapon ka’g panghiram ug pangiyod diha uy! Kasamok ba nimo diha! Unom na baya ni kabuok atong mga anak, ug mga gagmay pa ra ba na sila,” singhag pa nga dala og pahiyom ang tingog ni Kathy samtang nagpasuso sa kinamanghurang anak nga si Boyet.

“Ayaw na la’g saba diha. Kinsa man goy dili ganahan nimo nga porma pa man nang lawas mo. Igwad og sampot, dagko ug puti pa gihapon ang mga paa. Gawas niini, tugsoy pa ang imong mga tutoy,” sulti nga hinay ang tubag ni Panyong ning tungang gabii na sa kaadlawon.

Walay nahimo si Kathy kay giwalis naman sa iyang bana ang daster niyang gisul-ob dayong hinol sa iyang bilahan nga walay makasanta niadtong higayona.

Giganahan siya kay gitutyan naman siya ni Panyong samtang ang pikas kamot niini naghinol na sa bugdo niyang tinagoan.

Kusog ug fighter pa gihapon si Panyong bisan og unom na kabuok ang ilang mga anak.

Mao usab si Kathy, masaghiran lang gani og gamay, malanay ug malumoy dayon sa lawasnong kalipay.

Sundanon siya. Kada tuig siyang manganak. Mao nga kayod gyud sila taman sa ginhawa sa inadlaw-adlaw’ng panginabuhi.

May traysikol silang pasaheroan. Si Kathy usab adunay “sari-sari store” nga giatiman gawas sa pagsige’g panganak halos matag tuig.

Batan-on pang naminyo si Kathy ug mao usab si Panyong. Igo lang silang nakatapos sa hayskol, nagminyo sila.

Usa ka higayon niana, nagdala og DVD player si Panyong gikang namasahero.

“Unsaon man na nimo ang DVD player,” nangutana si Kathy.” Ada, nindot ni kay samtang nia ta sa balay, manan-aw ta og “x-rated” nga mga salida. Nia sab koy dalang mga “tape” nga makapahinam og makapagana nato,” tubag ni Panyong.

Tulin nga miligid ang panahon. Napun-an pa og upat ang ilang mga anak, entonses napulo na ang tanan.

Usa ka gabii human sa panihapon, “Panyong, napulo na ang atong mga anak gumikan sa atong kahigal. Kinahanglan magkontrol na kita kay magkabayayat na gyod ta’g samot niini,” sugyot pa ni Kathy.

“Kinahanglan magpa “vasectomy” ka Panyong ug magpalaygit sab ko. Kinahanglan buhaton ta kini samtang may panahon pa,” sumpay niya.

“Bitaw sab, kinahanglan magkontrol na ta kay misamot nag kamahal ang mga palaliton karong panahona,” timang pa ni Panyong nga miaksyon na sab unta’g panghikap sa iyang sampot ug paa. Gikan niadto, nagkontrol na sila kay napulo na ka buok ang ilang mga anak.

Karong panahona nga krisis kaayo, kinahanglan gyud kaayo ang pagplano ug pagkontrol sa atong pamilya aron kahatagan nato ang atong mga anak og maayong kaugmaon ugma damlag gikan sa edukasyon, pagkaon ug pamisti. (Kataposan)