Seloso si textmate

Dear Tita Salie,

Have a wonderful day. This is my first time nga nagpadala sa akong problema pero dugay na kaayo ko nga tigbasahan sa imong column. Malingaw man god ko nga magbasa niini kay daghan ko og makat-onan.

Ang akong problema kabahin sa akong lovelife. Duna man god koy boyfriend ug duna pod koy ka-textmate. Nakig-textmate ko sa usa ka lalaki tungod kay gusto ko nga malingaw lang. Ako siyang gitubayan sa text pero wala gyod ko’y feeling niya kay duna na man koy boyfriend nga mao gyod ang akong gimahal.

Nagproblema ko sa akong textmate kay perti ka seloso. Dili man unta mi uyab apan nganong ingon man siya niini. Kun dili gani nako mareplayan dayon ang iyang text masuko na siya. As in mora’g feeling niya nga uyab na mi.

Nahadlok lang ko, Tita, tingali unya kun iyang masayran nga duna koy uyab basin kun masuko siya ug dunay buhaton nga daotan. Mao gyod kini ang akong gikahadlokan sa pagkakaron. Dili man god ko gusto og samok, Tita. Unsa kahay angayan nakong buhaton? Palihog pasabta ko. Daghang salamat sa pagtagad.

-- Ms. Confused

* * *

Hi, Ms. Confused. Mao gyod kini ang kasagarang sangpotan sa atong paglingaw-lingaw. Imbes gusto natong malingaw problema na hinuon ang atong masugatan. Atong buhaton ang usa ka butang aron mawagtang ang kalaay apan ang mahitabo mosamot ang kalisod ug ang kabug-at sa atong ulo ug dughan kay ang maong kalingawan nibutang kanato ngadto sa usa ka lugar maglisod na hinuon kita paglihok. Ngano kaha nga ingon man niini ang kanunay’ng mahitabo sa atong paglingaw-lingaw?

Kun maglingaw-lingaw gani ta dili gyod nato kalimtan nga igo lamang kita naglingaw-lingaw. Busa, atong likayan ang moabot ug mobuhat sa mga butang diin makaguba sa atong tumong nga malingaw. Kun igo ka lang naglingaw-lingaw sa text ayaw kini paabota ngadto sa punto nga mandoan kana sa imong ka-textmate kay sigurado ko nga dili kana gyod malingaw niini. Ayaw paapektohi ang imong kasing-kasing ug personal nga kinabuhi. Kay ang lingaw-lingaw pinaagi sa text sa gawas lamang kini ug walay na-involve nga pagbati.

Mas maayo siguro nimong bubaton kundili na nimo makaya i-handle ang sitwasyon, nga imong putlon ang inyong communication pinaagi sa pag-ilis og simcard aron dili na kakontak nimo ang imong ka-textmate. Kuyaw pa kaayo kun masayran unya sa imong boyfriend ang imong binuang ug mao pa kini ang inyong awayan.

-- Tita Salie