Para limpyo kang tan-awon

Mataha ug modayeg ta sa tawo nga limpyo ug presentable tan-awon. Kung duna kay job interview, makigkita ug importanteng tawo o kaha duna kay date, importanteng maayo ang impresyon nila nimo. Bisan sa adlaw-adlaw, nindot ang paminaw sa tawo nga limpyo. Pagkat-on kung unsaon pinaagi aning mga tips gikan sa mga eksperto.

1. Kaligo kada-adlaw. Mag-body scrub haron matangtang ang mga buling-buling. Kinahanglan kaayo ni labi na kung ang trabaho kay pintor o mekaniko.

2. Regular nga mag-shampoo para dili oily ang buhok. Ngil-ad ang oily hair, hugaw kang tan-awon. Sudlaya og tarong ang buhok. Kung taas, higtan.

3. Limpyohan ang mga kuko. Maka-turn off ang tawo nga hugaw og kuko. I-scrub ang cuticles unya pahiran og lotion ig kahuman.

4. Paggamit og deodorant. Pahumot gamit og cologne pero dili palabian.

5. Sul-ob og limpyo ug inutaw nga sinina. Regular nga labhan ang sinina. Utawon kay ngil-ad tan-awon kung kunot ang gisul-ob.