Apil na sa pag-edad ang pag-angkon og double chin pero pwede ning mamenosan bisan di pinaagi sa surgery. Lain-lain ang rason nganong mag-double chin. Diay mga tips gikan sa mga eksperto nga angay sundon.
1. Check imong posture. Unsa man ka kung mobarog? Kinahanglan magtisar, ihangad ang ulo. Pangayo og tabang kung unsaon ma-improve imong posture.
2. Pakigkita sa doctor. Kung dunay fluid retention, iya kang i-refer sa usa ka massotherapist nga kamaong momasahe sa area para suwayan og babag ang fluid, tabangan pa sa maayong posture ug relaxation.
3. Pag-exercise. Mahimong trim ug toned imong lawas. Okey ra bisan lakaw-lakaw o kaha mag-gym basta aktibo ug kanunay dunay stretching sa muscles. Makalikay ni sa pagpundok sa fat deposits apil na sa dapit sa suwang.
4. Menosan ang kaon. Sa pag-limit sa imong calorie intake, imong gimenosan ang gidaghanon sa fat nga naa sa lawas ug nawong. Kaon og prutas, utan ug ubang low-calorie nga pagkaon kung gutmon.
5. Kung duna kay double chin tungod sa katambok, panahon na para mag-reduce. Ipalabi ang fiber, prutas , utan ug tubig sa diet.
6. Gamit og make-up para cover up sa double chin. Gamit og shade nga darker sa imong skin tone. Ipalayo ang atensiyon pinaagi sa pagpanindot sa imong hairstyle ug pag-make up sa mata.
7. Likayan ang pagsul-ob og chokers kay hugot ni sa liog. Gamit og kwintas nga regular lang ang gitas-on.