Duha ka dagway sa usa ka tawo

Gula 19

“Pero karon na man lang sab ni, ba, nga gidid-an na sa pagminyo ang mga pari. Kaniadto may mga asawa man ang mga pari ug mga obispo.”

“Wa man sab ka magminyo. Nagtilaw-tilaw ra man ka ni bisan kinsang babaye.”

“Bentaha na lang ni kay sa magminyo. Wa man nako supaka ang vow of celibacy.”

“Unya,” gipahunat ni Claire ang lalaki.

“U-unsay unya?” Daw wala makaagpas ang pari sa buot niyang ipasabot.

“Morebansin ka pa ba? Manggawas na ta dinhi kun dili ka na mo-score pag-usab.”

Subli nilang gitagay ang lawasnong kalipay sa wala pa sila manggawas sa motel.

Pagkasunod gabii.

Diha na si Onyok sa pag-abot ni Claire sa kinapusoran sa Kamagayan. Iya dayon kining giduol.

“Wa pa bay nangita nako?” Gipangutana niya ang bugaw.

“Aduna na,” tubag ni Onyok. “Nagpaabot na nimo sa lawak 214 sa Paraiso Motel. Gipauna ko na lang siya didto.”

“Kadto bang nahimo nakong kustomer sa miaging gabii?” -- Sumpayan pa