Duha ka dagway sa usa ka tawo

Nahinumdom na ko nga didto ko ikaw unang nakita sa Consolacion. Magkuyogkuyog ka ni Padre Miguel sa una. Nahinumdom pa ko niadtong panahona nga siya’y padre kura sa Consolacion. Apil man ko sa gimugna niyang children’s choir. Ikaw diay tong bata nga ikuyog niya kanunay.”

“Ako kadto. Dako ko’g utang kabubut-on kang Padre Miguel tungod kay buotan siya kaayo. Mao kini ang hinungdan nga nagpari ko tungod kay gusto kong makasunod sa iyang mga lakang.”

“Mogamit ba usab kadto si Padre Miguel og babaye?”

“Ambot lang, pero nagtuo kong dili. Suheto ko niya. Ligdong siyang mialagad sa simbahan hangtod sa iyang kamatayon.”

“Unya, ikaw?” Mogamit man lagi ka’g babaye? Wa diay ka makasunod sa mga lakang ni Padre Miguel?”

“Husto ka. Pero naingon ko niini tungod kay tawo lamang ako ug may kahuyang. Akong weakness ang mga babaye. Maoy pagaingnon nga lisod gayod ang pagsubay sa hagip-ot nga dalan paingon sa kahingpitan. Ambot ba. Basta lisod gayod alang kanako ang paglikay sa tentasyon sa mga babaye.”

-- Sumpayan pa