Duha ka dagway sa usa ka tawo

Gula 10

Gikawhat ni Ryan ang gamay’ng bag nga gipatong sa lamesita nga nahimutang dapit sa ulohan sa katre. May gikuha ang lalaki gikan sa sulod sa bag. Pagkahulbot sa kamot niini gikan sa bag, nadala ang plastik nga gisudlan sa daghang tinagsingko pesos nga biyugol.

“Nia ang akong bayad,” matud sa lalaki nga mitunol sa plastik nga gisudlan sa kuwarta ngadto kang Claire. “Balor kana og P500.”

“Way lain ini?” Sukit niya. “Kabug-at sab niining dalhon, uy.”

“Pasensiya na ka. Wa gyu’y lain. Ang collection man gani kana sa offering sa misa, akong gibuotbuotan pagkuha aron may ikabayad nimo.”

“Buing. “Sipat man sab diay mong mga pari. Abi ko’g di mo kamaong mogamit.”

“Ngano gong di? Maayo ma’g giputlan mi’g buhi.”

Nahatukiki si Claire. Apan giahat niya’g tapos ang iyang katawa. Giitlib niya ang iyang wait aron prenohan ang mihunat na unta niyang bahakhak.

“Dili tanang pari nagbuhat og sama sa akong gihimo,” nagkanayon si Ryan. -- Sumpayan pa