Duha ka dagway sa usa ka tawo

Gula 2

Mora’g dagway ni Jesus ug ni Judas nga nahulad diha sa usa lang ka binuhat. O kaha ang lakin-ong bersiyon sa kyubistikong hulagway ni Dora Maar.

“Nganong mitutok ka man nako?” Nangutana ang lalaki.

‘W-wa man,” mubo niyang tubag. “May nahinumdoman lang ko.”

“Unsa?”

“Mora’g sinati nako ang imong panagway.”

Milighot ang hilaw nga pahiyom sa panagway sa lalaki.

“Nganong nahimuot ka sa akong gisulti?” Mikunot ang iyang agtang nga nahibulong sa sumba-lihok sa lalaki.

“Tungod kay karon pa ta nagkita,” laktod nga tubag sa lalaki. “Nganong nakaingon ka man nga sinati nimo ang akong panagway?”

“Basta kay mora’g nakita ko na ikaw sa una. Maglisod lang ko’g hinumdom kun kanus-a ug diin ko ikaw makita. Di na masubay sa akong panumdoman.”

Wala motingog ang lalaki. -- Sumpayan pa