“Mao na unta toy higayon nga makabawos ka ni Almina!”
Gipahinumdoman si Angeline ni Vera mahitungod sa pagpasakit ni Almina kaniya. Kadtong higayon nga gitamparos siya niini sulod sa school campus diin daghang mga estudyante ang nakakita sa maong hitabo.
“Nag-reconcile na man mi ni Almina,” giingnan ni Angeline si Vera. “Nag-sorry na siya nako ug gipasaylo ko na siya.”
“Gipasaylo mo lang siya sa dakong kasayon?” Sikmat ni Vera.
“Wa ko magdumot niya. Di maayong magtanom ta’g kayugot sa atong isigkatawo kay di ta makabaton og peace of mind. Wa sab gyud koy plano nga manimawos kang Almina. Igo na para nako ang disciplinary action nga gihimo sa tagdumala sa tulonghaan batok niya.”
“Belib ko nimo, Day. Talagsaon ka gyud. Kun ako pa tingali gibuhatan ni Almina sa ingon, di gyud ko magmalinawon kun di ko makabawos.”
Wala na tubayi ni Angeline ang gisulti ni Vera aron dili na motaas ang ilang paghisgot sa butang nga alang kaniya wala’y hinungdan. -- Sumpayan pa