Mata sa kasingkasing

Nahinayon gyud ang pagbakasyon ni Angeline sa Danao niadtong ika-17 sa Disyembre. Nahinangop ang iyang mga ginikanan ug igsuon pagkakita kaniya. Gikahimamat usab niya ang iyang mga higala.

Samtang nagbakasyon si Angeline, nakahigayon siya sa pagpamalandong sa iyang pagpakigrelasyon kang Robert. Ug sa unang higayon, gibati siya’g kamingaw sa iyang boyfriend. Nagsugod na ba siya sa pagbati og gugma ngadto niini? Ambot lang. Wala siya makaseguro.

Ang naseguro lang niya mao nga mas bug-at pa gihapon si Erik kay ni Robert sa iyang kasingkasing.

Malinawong nakalabay ang Bag-ong Tuig. Ug natapos ang pagbakasyon ni Angeline sa Danao. Mibalik na si Angeline sa Tagbilaran. Ug una niyang gipahibalo sa iyang pagbalik sa siyudad mao si Robert.

Apan nakamatikod si Angeline nga ingon sa wala mahinangop si Robert sa iyang pagbalik sa Tagbilaran. Nahibulong si Angeline. -- Sumpayan pa