Mata sa Kasingkasing

Gula 124

“Nabalaka ko sa nahitabo nimo,” nagkanayon si Angeline. “Pero luwas ka na sa kakuyaw. Pagpakaayo’g dali.”

“Oo,” ni Robert pa. “Tungod nimo magpakaayo ko’g dali.”

Gikan sa ospital, milahos na si Angeline sa tulonghaan.

“Kumosta na si Robert?” Nangusisa si Erik dihang nagkasulti sila.

“Luwas na siya sa makuyaw nga kahimtang,” tubag ni Angeline.

Kalit naputol ang ilang panagsulti dihang miabot si Almina.

Gikulbaan si Angeline. Nabalaka siya nga tingalig masuko na sab si Almina kaniya nga nakit-an sila si Erik niini nga nagsultihanay.

Pero nahuwasan dayon si Angeline sa kabalaka dihang nahiduol na si Almina sa nahimutangan nila ni Erik. Mapahiyomon kining mitagad kaniya. Mora’g wala na magselos. Mora’g dili na kini insecured.

“Kumosta ka na man uy,” ni Almina pa ngadto kang Angeline. “Dugaydugay na man tang wa magka-talk.” -- Sumpayan pa