Jealous Guy

Gula 6

“Tinuod ka Mil? Uy salamat gayud kaayo Mil,” daw dili makatuo si Shirley sa iyang nadungog nga dili lang pabayran ni Emil ang gihatag kaniya nga singko mil ka pesos.

Napagakus si Shirley kang Emil tungod sa hilabihang kalipay nga iyang gibati. Wala gayud magdahum si Emil nga ingon niadto ang sangpotan sa iyang gihimo nga pagtanyag og tabang-salapi kang Shirley.

“Mil, kabuotan gayud nimo nako. Nagpasalamat ko sa Ginoo nga nakaila ko ikaw human mamatay ang akong bana,” matud ni Shirley nga inanay’ng miparayeg kang Emil.

Gilingi ni Emil ang pultahan. Sirado kini ug sila ra sulod sa balay kay natulog na man ang dos-anyos niini nga anak ni Shirley.

Gigakus ni Emil si Shirley. “Laumi ang kanunay ko nga pagtabang kanimo Shirley. Karon nga wala ka na’y bana nga makatabang kanimo, dili ko ikaw pasagdan,” matud ni Emil sa hagawhaw nga tingog.

Nakahilak sa kalipay si Shirley sa iyang nadungog. Naggaksanay silang duha ug wala tuyoa nga nagtagbo sa unang higayon ang masi’g nila ka mga ngabil. “I love you Shirley,” giingnan ni Emil si Shirley sa dayon niyang hawok pag-usab.

Gipunit ni Emil ang giipis niya nga bino nga diha sa baso nga maoy naghatag og dugang kainit sa iyang lawas. “Ipisi ang akong baso Mil, para mosamot kainit ang akong lawas,” ni Shirley pa nga miparayeg na pag-ayo kang Emil.

Giyarok dayon ni Shirley ang giipis nga bino ni Emil. Dayon, nagginaksanay na usab silang duha. Nagkainit ang ilang pagparayganay hangtud nga nabatyagan na lang ni Shirley nga lihok na kaayo ang mga kamot ni Emil nga nagpanghiram sa iyang kalawasan.

Nakasugnib pa kini og talagsaong kahinam sa ilang pagparayganay. “Dili ba kaha masuko ang kalag sa akong bana niining gihimo nato Emil?” nakapangutana si Shirley kang Emil sa hagawhaw nga tingog.

“Dili tingali Shir. Malipay pa gani tingali siya nga adunay mipuli kaniya nga mipangga sa iyang gwapa nga asawa,” dali nga tubag ni Emil. “Tana, adto ta sa kwarto Mil,” ni Shirley pa.

Nakasabot si Emil kun unsay gusto nga mahitabo ni Shirley tali kanilang duha. Miginhawa siya’g lawom ug mitindog sa gilingkoran nila nga sopa. “Tana Shir. Lipayon gayud tika Shirley,” matud ni Emil dihang nakabantay nga mibarug na si Junior. (Sumpayan)