Tam-is og pahiyom

Dear Tita Salie,

Have a nice day. Just call me Mr. Aries, usa ka ulitawo ug nagtungha pa lamang karon sa college.

Ang akong problema mahitungod kini sa akong kaugalingon. Duna man gud ko’y schoolmate nga gwapa ug buotan kaayo ngari nako. Tawgon lang nato siya og Ms. Cute.

Perti gyod nakong iboga niining bayhana, Tita. Sa akong tan-aw mora og anaa na gyud kaniya ang tanan. Kay akong nasayran nga bright pud siya sa ilang klase. Buotan kaayo siya kay dili sama sa ubang guwapa nga super maldita man. Mo-smile siya sa iyang mga ikasugat sa among eskuylahan. Tam-is kaayo siya’g smile kun magkasugat mi, Tita.

Sa akong tan-aw mora og iya gyud kong tagdon kun pakig-estoryahan ko siya tungod kay maabi-abihon man siya ug motagad gyod. Wala pa ba kaha siya’y uyab, Tita, tungod kay wala man nako siya makit-i nga dunay kaestoryang lalaki. Wala ko kakita nga duna siya’y kuyog-kuyog nga lalaki.

Dugay na gyod kong gusto nga makig-ila-ila niya, Tita. Apan kun magkasugat mi kulbaan man ko. Igo ra man ko sa pagtan-aw ug smile niya. Maulaw man ko moduol niya. Unsa may akong buhaton aron ikaestorya ko siya ug unsaon man pagdiskarte ang babaye aron sugton ko niya? Palihog pasabta ko. Daghang salamat. -- Aries

* * *

Dear Aries,

Ang atong hunahuna is very powerful kun kamao lang kita modala o mogamit niini. Busa imong lig-unon ang imong hunahuna, ayaw padala sa imong kahadlok kay wala’y angay kahadlokan. Mahadlok ka lang kun duna kay dautan nga gibuhat. Apan kun ang imong intention pure gyud ug sinsero ka sa imong tinguha ayaw kahadlok.

Ang imong buhaton step by step aron ma-practice ang imong kaugalingon. Ayaw usa tinguhaa nga sugton ka niya. Maoy hunahunaa nga makaila nimo siya ug mamahimo mo siyang higala. Kay diha sa inyong panaghigalaay mao kana ang imong kahigayonan aron imong ipakita kaniya nga maayo kang tawo, ug aron mailhan ka niya. Mao kana ang chance nga imong buhaton ang tanan aron ma-develop siya kanimo. Ayaw siya diretsoa og panguyab kay aron dili siya makuratan. Mag-build ka una og friendship ninyong duha.

Be friendly lang. The next time nga magkasugat mo just say “hi” or “hello” ngadto kaniya. Pangutan-a siya what time ang iya klase. Hinay-hinay lang nga paagi. Of course, imong pangutan-on kun unsay iyang ngalan. Ingon lang niini kasayon ang imong buhaton. Makig-amiga lang ka, maoy hunahunaa aron dili ka mahadlok moduol kaniya. -- Tita Salie