Nurse

Dear Tita Salie,

Have a wonderful day. I really like the way you gave an advice sa mga sender, Tita. That is why naka-decide pod ko nga magpadala sa akong problema.

Just call me Jeff usa ka ulitawo. As of now, nahimo nakong second house ang Perpetual Soccour hospital kay ania man na-confine ang akong mama ug taud-taod na siya dinhi. Ug ako ang nag-alaga sa akong mama.

Na-crush man god ko sa usa sa mga nurses diri sa Perpetual Soccour nga nag-atiman sa akong mama. Kiligon dayon ko kun mo-assist ko niya samtang mag-asikaso siya sa akong mama. Magsige na lang ko og paabot nga mosulod siya sa among room kay malipayon kaayo ko kun makita ko siya, Tita.

Gwapa ug cute gyod kaayo siya, Tita. Unya may nunal pa siya sa mukha. Gusto unta nako siyang ulitawhan pero nahadlok pod ko nga iya kong balibaran.

Unsa may akong buhaton? Palihog pasabta ko. Thank you very much and more power to your write up.

* * *

Jeff. According to an old adage “quitter are always the losers” ug tinuod gyod kini. Kay kun mo-quit ang tawo sa iyang gihimo automatic loser na gyod siya kay wala man niya natiwas ang iyang gibuhat.

Parehas usab sa imong pagkabutang, kundili nimo buhaton unsaon nimo pagkahibalo kun balibaran ka ba niya o dawaton ba niya ang imong gugma. Dili ka masayod kun pila ka kilometro ang kaya nimong daganon kondili nimo suwayan paglakang ang imong mga tiil. Ug dili usab nimo kayang ilakang ang imong tiil kun naghunahuna ka o mahadlok ka nga madagma. Dapat nimong hunahunaon nga ang pagkadagma apil kini sa mga posibilidad nga mahitabo kun nidagan ka. Busa dili kini angay kahadlokan.

Wala kay dapat kahadlokan. Kun balibaran ka at least successful ka gihapon kay imo mang napadayag ang imong pagbati ngadto kaniya. Kinahanglan nga may buhaton ka aron imong mahibaw-an kun unsay kaya nimong buhaton. Pinaagi usab niini imong mahibaw-an kun unsay kaya nimong buhaton ug kinsa ka sa imong pagbuhat sa maong butang.

Mas maayo kun makigsuod ka pag-ayo kaniya, aron usab maduol ang iyang kabubut-on diha kanimo. Dili man seguro masuko ang taga hospital kun dunay flower o chocolate nga madawat ang ilang nurse. Pangita og paagi nga iyang mailhan ang imong pagkatawo ug ang imong sincere nga tinguha ngadto kaniya. -- Tita Salie