Gula 109
Usa ka higayon niana, nagkasulti sila si Angeline ug Erik. Seryoso silang nagkabildohay sulod sa usa ka outlet sa Dunkin Donut. Wala mag-ukon-ukon si Erik sa pagpadayag sa dako niyang pagsupak sa relasyon nilang Angeline ug Robert.
“Dili siya angay nimo, Angeline,” nagkanayon si Erik.
“Nganong nakasulti ka man og ingon niana?” Nangutana si Angeline.
“Tungod kay dili kamo pareson. Buotan ka nga pagka-babaye samtang si Robert, usa siya ka lalaki nga dili maayo’g reputasyon sa atong tulonghaan. Ikaw mismo nasayod niana.”
“Tinuod kana. Pero nisaad na siyang magbag-o.”
“Ug mituo ka lang usab dayon sa iyang gisulti?”
“Unsa man ang gusto mo nga akong buhaton?”
“Nikonsulta ka unta nako sa wala ka pa mopakanaog og desisyon. Isip imong higala, andam kong motambag nimo aron dili ka maalaot.”
“May limitasyon kita isip managhigala, Erik. Ug I think wa ka nay katungod sa pagpanghilabot sa akong kinabuhi in terms of love life.”
“A-Angeline...” -- Sumpayan pa