Gula 106
Husto ka, Angeline. Andam nakong igahin para nimo ang tanan kong panahon kun gikinahanglan man. Ug...”
“Ug unsa, Robert?”
“Kamalipayon ko kaha kun ning atong panag-uban karon gidawat mo na ang akong gugma.”
Wala makatingog si Angeline.
“Hangtod kanus-a man kaha ang akong pag-antos, Angeline?” Sukit ni Robert nga daw nahisagmuyo.
“Hatagi una ko’g panahon, Robert,” ni Angeline pa.
Lapas na sa alas nuybe sa kagabhion sa pag-uli ni Angeline sa boarding house. Samtang naghigda na siya sulod sa iyang lawak, si Robert ang iyang gihunahuna. Mora’g kasugtonon na siya sa ulitawo!
Sa tinud-anay, nasuta ug natugkad ni Angeline sa iyang kaugalingon nga wala siya mahigugma kang Robert. Si Erik pa gihapon ang gipitik sa iyang kasingkasing bisan sa kamatuoran nga iyang nasayran nga girlfriend na niini si Almina. -- Sumpayan pa