Mata sa Kasingkasing

Gula 103

“Aw, hikalimti na kadto. Bisan sa wa ka pa mangayog sorry, gipasaylo ko na ikaw, Miss Almina.”

“Salamat. Daghang salamat, Angeline.”

“May ihangyo lang ko nimo, Miss Almina.”

“U-unsa kana?”

“Mahala sa tinud-anay si Erik. Gimahal ko siya isip usa ka higala. Gusto kong magmalipayon siya sa inyong relasyon.”

“Makalaom ka, Angeline.”

Human sa panagsulti nila ni Almina, gibati ni Angeline ang talagsaong kagaan sa iyang dughan. Mora ba’g nahusay na ang tanang conflict sa iyang kinabuhi bisan og dili pa hingpit nga hapsay ang mga panghitabo.

Bisan og dili pabor alang kaniya ang tanang mga panghitabo apan naangkon niya ang peace of mind. Ang lintunganay sa iyang kalipay mao nga nahitabo na ang reconciliation tali nila ni Almina.

Nakadugang sa iyang kalipay ang kamatuoran nga nadawat na niyang si Erik dili angay kaniya kun dili alang kini kang Almina.

“Wa kay buhaton unya?” gipangutana ni Angeline si Robert dihang nag-abot sila sa main lobby sa tulonghaan. -- Sumpayan pa