Apan sa kahiladman ni Angeline, dihay nabatyagan niyang kurit sa kasakit. Oo, gisakitan siya sa kasayoran nga nauyab na ni Almina ang lalaki nga maoy tinuod niyang gihigugma.
Human sa panagsulti nila ni Erik, si Angeline misulod sa rest room. Didto nanirado siya. Unya mihilak siya taman sa ginhawa. Gipagawas niya ang tanang naghuot sa iyang dughan. Mibakho siya’g maayo.
Paggawas niya sa banyo, nagkasugat sila si Almina ug Angeline. Buot untang molikay si Angeline apan gisangpit siya niini.
“Puyde bang makigsulti nimo?” Gikan ni Almina.
Nahiuknol si Angeline.
Alang kang Angeline, wala na sila’y angay panagsultihan si Almina. Apan kay mihangyo man si Almina nga makigsulti kaniya, mihatag og higayon si Angeline. Sulod sa library, nagsultihanay silang duha.
“Sorry sa akong gibuhat nimo, ha,” nagkanayon si Almina.
“Ang hain niadto?” Nagpaguryoguryo si Angeline.
“Kadtong akong pagtamparos nimo.” -- Sumpayan pa