Kiss mark

Dear Tita Salie,

Have a nice day. I really enjoyed reading Banat News every morning especially the pasabta column.

By the way. Just call me Ms. Taurus, I’m still single. My problem is about an incident that I didn’t really mean to happen.

One day, gi-invite mi sa among amigo nga moadto sa ilang house kay birthday party sa iyang papa. Nagkuyog ang buong tropa, daghan kaayo mi nga niadto para mag-enjoy pud ang parents sa akong amigo. Kuyog didto ang akong bestfriend ug ang iyang boyfriend.

Tungod kay party man dili kalikayan nga dunay inom. Grabe ang inom nga nahitabo ug kaming tanan nangahubog. Tungod sa kahubog wala na kami kalibotan sa nahitabo kay kasagaran namo nakatulog na man. Apan nianang pagkabuntag ila kong nakit-an nga dunay kiss mark sa liog ug sa akong dughan.

Wala gyud ko’y kalibotan kun kinsa ang nihimo sa maong kiss mark. Apan ang usa namo ka amiga misulti kay nakakita daw siya. Matud niya nga ang boyfriend sa akong bestfriend ang nihimo niini. Na-shock gyud ko, Tita.

Karon wala na mi magtagad sa akong bestfriend kay nasuko man siya nako. Unsa may angayan kong buhaton, Tita? Palihog pasabta ko. Thank you very much and God bless you always.

* * *

Dear Ms. Taurus,

Dili sayop ang moapil og parti. Dili sala ang moinom kun adunay okasyon. Ang atong lawas nanginahanglan usab og gamay nga alcohol. Apan sayop gyud kun ikaw mahubog samtang ni-attend ka og party.

Kun gusto ka nga mag-enjoy sa party nga imong giatenan inom apan gamay lang kay kun mo-inom ka hangtod nga mahubog ka dili kana gyud mag-enjoy kay makatulog man ka. Dili ka gyud malingaw sa party kay malipong man ka. Ug ang kuyaw kun inigkahubog nimo himuon kang pulotan sa imong mga kauban. Kay daghan na kaayo kita og nadunggan nga balita nga usa ka babaye gilugos sa iyang kauban og inom. Mao kini ang dapat nimong likayan. Pasalamat ka kiss mark ra ang imong nadawat.

Sultihi ang imong bestfriend kun dili siya makig-estorya kanimo, padad-i og text o kaha sulat ug ingna nga inosente ka sa maong hitabo. Sultihi siya nga dili nimo kagustohan ang nahitabo kay nahubog ka ug nakatulog ka og maayo. Ang angayan niyang awayon mao ang iyang uyab nga mapahimuslanon. -- Tita Salie