Mata sa Kasingkasing

Gula 97

“Nan, nganong nagdumili ka man sa pagdawat sa akong gugma?

“Tungod sa daghang mga rason. Una, di pa ko gustong ingon niana nga commitment kay gusto kong mo-concentrate sa akong pagtuon. Ikaduha, mora’g dili ko makatuo nga mahigugma ka kanako.”

“Nganong nakasulti ka man og ingon niana?”

“Tungod kay nasayod kong pulos guwapa ang nangagi mong mga uyab. Unya karon managinot ka lang nako?”

“Beauty is in the eyes of the beholder, Angeline. Para nako, guwapa ka man sab.”

“Ayaw na lang ko’g bulatiki, Robert.”

“Tinud-anay ning ako, Angeline. Yes, dili ka sama kaguwapa sa akong mga uyab kaniadto. Pero nakaamgo ko karon nga dili diay importante ang outward appearance kon dili ang kinaiya. Gawas pa, may gitagoan kang katahom nga dili daling makit-an sa usa lang ka pagtan-aw. Sexy ka pa gyud, mora’g si Rihanna.”

Apan si Angeline wala gyud magpadala sa ulog-ulog ni Robert. Mitindog siya ug miagda sa ulitawo nga mamauli na sila. Gihatod siya ni Robert ngadto sa iyang boarding house sakay sa usa ka traysikol. -- Sumpayan pa