Gula 96
Human magkasinabot, nanggawas sila sa school campus. Nangadto sila sa downtown nga nagpahatod og traysikol. Nanuroy sila sa plasa. Dihang naudto, nagkasabot sila si Angeline ug Robert nga ipadayon ang ilang paglulinghayaw. Nanan-aw sila’g sine. Ang pelikulang You Change My Life nga gibituonan nila ni John Lloyd Cruz ug Sarah Geronimo maoy ilang gitan-aw. Nalingaw pag-ayo si Angeline sa salida.
Gabii na sa ilang pagpanggawas gikan sa sinehan. Gusto nang makipagpamauli si Robert. Apan nagdumili si Angeline.
Nanuroy sila si Angeline ug Robert sa plasa. Nanglingkod sila sa lingkoranang semento nga nagtupad. Nag-atubang sila sa dagat. Lab-as kaayo ang hangin nga ilang nahanggap, ang kabugnaw nanuhotsuhot sa ilang kahiladman ug mihupay sa ilang mga pagbati.
Samtang sila naglingkod, nagkalingaw usab sila’g kabildo. Bisan unsa lay ilang gihisgotan. Hangtod nga misangko ang ilang topic bahin sa gugma.
“Lisod ba kong higugmaon, Angeline? Nakapangutana si Robert.
“Dili sa ingon niana, Robert,” nagkanayon si Angeline. -- Sumpayan pa