Mata sa Kasingkasing - Gula 83

Dugay ang pagbag-iray sa ilang mga tinan-awan. Daw nagsultihanay ang ilang mga mata.

Unya, dihang milunga ang ilang pagtinutokay, gitibawas nila ang pagpangaon.

Nianang pagka-palis sulod sa classroom, nagkasulti sila si Vera ug Angeline. Wala pa moabot ang ilang instructor niadtong higayona.

Nasayran ni Angeline gikan kang Vera nga nakigsulti na si Almina sa ilang school registrar. Maoy pangagpas ni Vera nga nahadlok si Almina nga dili tugotan nga maka-take sa ilang exam sa midterm tungod sa gibuhat niining eskandalo sulod sa tulonghaan.

Miabot ang midterm exam. Madasigon si Angeline nga mikuha sa pasulit. Nahinayon usab ang panagpares nila ni Robert sa sayaw alang sa PE subject sa ulitawo.

“Mangaligo ta’g dagat rong Domingo, Angeline,” sugyot ni Robert human sa malampuson nilang performance sa sayaw sa PE.

Nainteres si Angeline sa gisulti ni Robert mahitungod sa pagpangaligo sa dagat.

“Unsay okasyon?” Gipangutana ni Angeline si Robert. -- Sumpayan pa