Gula 79
“Gusto kong mosaad si Almina nga dili na niya usbon ang pagpasakit nako, Mrs. Amburgo,” giingnan ni Angeline ang registrar. “Kun mousab pa gani siya, ikiha ko na siya!”
“Ayaw kabalaka, Miss Facor,” matud sa registrar. Dili maka-report si Miss Almina Ramos sa iyang klase sa tanan niyang mga subject hangtod nga dili siya makig-atubang nako to explain on her side.”
Paggawas ni Angeline sa office sa school registrar, maoy iyang nakita si Erik nga nagbarog sa gawas sa pultahan sa buhatan sa registrar. Gusto siyang molikay sa ulitawo apan nagunitan niini ang iyang bukton.
“Buhii ko, please!” May kalagot ang sinultihan ni Angeline.
Gibuhian ni Erik ang bukton ni Angeline nga gigunitan niini. Nangayo pag sorry ang ulitawo kaniya. Nasayod na diay si Erik sa gibuhat ni Almina kaniya.
Dili na unta gusto si Angeline nga makigsulti kang Erik sa kabalaka nga tingali’g mosamot ang kasuko ni Almina kaniya. Apan ingon sa dili niya kabalibaran ang hangyo ni Erik. -- Sumpayan pa