Mata sa Kasingkasing

 Gula 73

Si Robert sakop sa Red Team samtang si Erik sakop sa Blue Team. Ang tagsatagsa nila ka team maoy gituohan nga labing lig-on.

Nanan-aw sila si Angeline ug Vera dihang mao nay nagsangka sa elimination round ang team nila ni Robert ug Erik. Dili unta kadto motan-aw si Angeline pero nadala siya sa pamugos ni Vera.

Matag karon ug unya samtang nagpadayon ang dula si Vera mosiyagit ug mopakpak sa higayon nga may player nga makasiyot sa bola ngadto sa ring sa bisan unsang team. Apan si Angeline nagpakahilom lang. Dili siya gustong mopakita kun unsang team ang iyang gidapigan.

Pagkahuman sa first half nagtabla ang score, 52-52. Pareho gyud nga lig-on ang duha ka team. Daw wala’y gustong mapilde. Hugtanay gyud sa bakos ang panagsangka.

Samtang naghulat nga sugdan ang 3rd quarter sa dula, dihay mikuhit kang Angeline gikan sa luyo. Sa iyang paglingi si Robert ang iyang nakita.

“Maayo kay mitan-aw ka sa among pagdula,” nagkanayon si Robert.

“I-ikaw man diay,” mao ray nasulti ni Angeline. -- Sumpayan pa