Mata sa Kasingkasing

Gula 65

“Ayaw lang laina pagsabot ang akong gisulti, Angeline,” ni Robert. “Please, ayaw ko’g balibari ning favor nga akong gipangayo nimo.”

“Sige,” daling hukom ni Angeline. “Mosugot ko.”

Labihang lipaya ni Robert nga wala mobalibad si Angeline sa gihangyo niini kaniya. Nagsubli-subli ang ulitawo sa pagpasalamat kaniya.”

“Ayaw lang laina pagsabot ang akong pagsugot nga mahimo nimong partner sa inyong sayaw sa PE subject,” pahimangno ni Angeline. “Gibuhat ko kini aron magtarong kana sa imong pagtuon.”

“A-Angeline...” mao ray nabungat ni Robert.

“Pirme ka lang mopalta sa klase. Ang imong mga ginikanan nagdahom nga nagtarong ka sa imong pagtuon pero diay naglakwatsa ka lang. Hinaot unta nga magtarong ka na, Robert.”

“Daghang salamat sa imong pagdasig nako, Angeline.”

Samtang nagsingabot ang midterm exam, giseryoso ni Angeline ang pagtuon sa iyang mga leksiyon. Gusto siyang makakuha og tag-as nga grado aron malipay ang foundation nga maoy migasto sa iyang pagtuon. -- Sumpayan pa