Mata sa Kasingkasing
Gula 63
“Nganong nangita ka man nako?” pangutana ni Angeline.
“May importante kong tuyo nimo,” tubag sa ulitawo.
Nakugang si Angeline sa gisulti ni Robert. Misantop dayon sa iyang hunahuna ang iyang nakita didto sa library-- nga seryosong nagsultihanay sila si Robert ug Erik. Gikulbaan si Angeline sa makadiyot.
“Unsa man diay imong tuyo?” Gipangutana niya si Robert.
“Di ta dinhi magsulti,” ni Robert pa. “Mangita ta’g dapit nga magkasulti ta’g maayo.
“Nagpaseroks pa man ko,” misulay sa pagpangita’g lusot si Angeline.
“Magpaabot ko nga mahuman ka’g paseroks,” tubag ni Robert.
Wala na lang modugang sa pagpangatarongan si Angeline. Sa iyang pagsabot, dili gyud magpabalibad si Robert.
Misantop sa iyang hunahuna nga wala’y laing tuyo si Robert kun dili ang mahitungod sa gugmang gihalad niini kaniya.
Human makapaseroks, misulod sila si Angeline ug Robert sa usa ka snack bar nga diha ra sab sa duol. Nahinumdom si Angeline nga mao kini ang refreshment parlor nga gisudlan nila ni Erik usa ka higayon niana diin nakit-an sila si Robert. -- Sumpayan pa
- Latest
- Trending
