“Tubaga ang akong pangutana, Angeline,” nagkanayon si Almina. “Unsay tuyo ni Erik kanimo nga miadto man siya sa imong gipuy-an kagabii?”
“Well, dili kaayo importante ang iyang tuyo,” tubag ni Angeline. “Igo lang siyang nangumusta nako.”
“Ingon ka ba gyud diay niana ka importante alang kang Erik?”
“A-ambot lang. Basta kay mao ra kanay iyang tuyo nako. Dili man sab tingali daotan kun bisitahon ko ni Erik? Managhigala man mi.”
“Tinuod kana. Pero di ba giingnan ko na man ikaw nga likayan mo si Erik tungod kay ako lang siya ug wa nay laing makatag-iya kaniya?”
“Naglikay man bitaw ko niya. Pero siya man ang miadto sa akong gipuy-an. Sala diay na nako? Gawas pa, gisundan mo man kaha siyang mipaingon sa akong boarding house? Nganong wala ka man molahos ug sulod aron kita untang tulo ang magsultihanay? Sa ingon, dili ka na magduda.”
“Mao gyud unta kanay akong buhaton. Pero nagpugong lang ko kay basin og makahimo ko’g eskandalo ug ma-turn-off na hinuon si Erik nako. Pero sa sunod higayon, mao na kanay akong buhaton.” -- Sumpayan pa