Tinagoang kaibog

Gitagbaw ni Artemio ang iyang tinagoang kaibog ngadto ni Daisy karong dia na sila sulod sa gamay nila nga kwarto.

Wala g’yud magmahay si Daisy nga mitugyan sa iyang kaugalingon kang Artemio kay master kaayo kini sa paglingaw og babaye ibabaw sa kama.

“Art, layo ra g’yud nimo si Pedring nga modala’g pagana,” wala kapugong si Daisy paghatag og komplemento kang Artemio. Diha pa usab mahibaw-i ni Artemio nga Pedring diay ang ngalan sa hamtong-lalaki nga kanunay’ng ikauban ni Daisy sa motel.

Nakatulog si Daisy tungod sa grabeng kakapoy tungod kay gibugno g’yud siya pag-ayo ni Artemio nga nahisama sa usa ka gutom kaayong leyon nga miatake sa mananap nga iyang gustong kan-on.

Gihabolan ni Artemio si Daisy nga maayong nakahinanok. Gisul-ob ni Artemio ang iyang sapot ug migawas sa kwarto. Sa wala pa siya mogawas, gibusog unsa niya pag-ayo ang iyang mga mata sa pagsud-ong sa kaanyag ni Daisy.

Dayon mibalik si Artemio sa ilang pwesto ni Bert nga magpaabot og customer. Nakita niya nga nagngisi ang higala samtang nagpaingon siya sa iyang nahimutangan. “Unya bay, human na? Ako na usab bay?” ni Bert pa.

“Ayaw bay Bert. Bisan og ingon niana ang sitwasyon ni Daisy nga kanunay na siya nga mouban sa hamtong nga si Pedring, ug mitugyan sa iyang kaugalingon kanako, apan angay nato siya nga respitohan,” gipasabot ni Artemio ang higala.

Nagpahiyom ra ang higala niya nga si Bert. “Kaswerte g’yud nimo karong gabhiona bay Art uy. Adtoon kuno nako sa kwarto bay, tan-awon lang nako.”

Dali nga gigunitan ni Art si Bert kay mihana na unta kini sa pagbiya. “Natulog pa si Daisy bay Bert. Palihog, ayaw usa pagsulod sa lawak,” hangyo ni Artemio sa iyang higala.

Taud-taud, mitingog ang buzzer. Nagpasabot nga dunay mo-check-out ug ipakuha sa roomboy ang bill. Si Artemio ang miadto sa counter. Nabantayan niya nga billing sa Room 207 ang gitunol kaniya. Sa ato pa, nahigmata na si Pedring ug wala na didto si Daisy. Gituktok ni Artemio ang pultahan, ug dayon gibuksan kini. “Dunay excess nga usa ka oras sir,” giingnan ni Artemio ang hamtung-lalaki.

Igo lang miyango ang hamtong-lalaki. “Nakakita ba kamo og babaye nga migawas? Gibiyaan ko sa akong gikadeyt.” Milingo-lingo si Artemio. Gidawat ni Artemio ang bayad gikan sa lalaking-hamtong. “Imo na ang sukli ana.” (Sumpayan)