Mata sa kasingkasing

Misuroy siya sa department store, pagkahuman misulod siya sa National Bookstore pero wala siya’y plano nga mamalit og bisan unsa. Window shopping lang.

Dihang nadugay gibati siya og kagutom. Mikanaog siya agi sa scalator paingon ngadto sa ground floor diin nahimutang ang food court. Mikaon siya. Samtang nagkaon, nasigpatan niya ang lalaki ug babaye nga miduol ngadto sa gi-display nga pagkaon. Nakaila siya sa babaye. Si Almina. Apan wala siya makaila sa lalaki nga kuyog niini. Dili si Erik ang maong lalaki. Wala tingali makauyon ang duha sa mga pagkaon nga gi-display kay namiya man dayon sila. Gisundan sila’g tan-aw ni Angeline. Nakig-holding hands si Almina sa lalaki samtang nanakay sila sa scalator. Wala makakita si Almina kang Angeline.

Mipadayon na si Angeline sa pagkaon. Pagkahuman, migawas na siya sa mall aron mopauli na ngadto sa iyang boarding house. Samtang nagsakay siya’g traysikol, si Almina ug ang kuyog niining lalaki maoy iyang gihunahuna.

Kinsa gyud kaha ang maong lalaki? Unsay papel niini sa kinabuhi ni Almina? Nakapangutana si Angeline sa hilom sa iyang kaugalingon.

Naglibog og diyotay si Angeline. -- Sumpayan pa