“Wa ba ko makadisturbo nimo?” Nangutana si Erik dihang nakapahimutang na siya sa sopa nga atbang sa gilingkoran niini.
“Wa man,” mubong tubag ni Angeline. “Pero wa ko magdahom nga moanhi ka karong gabhiona.”
“Nasayod ko. Gani, wa ko mag-expect nga imo kong atubangon karon.Nasayod kong gusto ka nang molikay nako.”
“Unsay imong tuyo?”
Nanghupaw si Erik sa wala pa motubag.
“Nia ko aron pasabton ka sa tinuod,” nagkanayon si Erik.
“Bahin sa unsa?” Misukit si Angeline.
“Bahin kanamo ni Almina.”
“Aduna pa ba diay ko’y wa hisabti bahin sa real score ninyo ni Almina?”
“Aduna, Angeline. Tungod kay si Almina wa magtug-an sa tinuod.”
“U-unsay buot mong ipasabot?”
“Dili tinuod ang gipakaylap niyang estorya nga mag-on na kami. Dili tinuod nga duna kami relasyon.”
“Buot mo bang ipasabot nga nagtumotumo lang og estorya si Almina?” -- Sumpayan pa