Tinagoang kaibog

Gula 1

Nagtrabaho si Artemio sa usa ka motel dinhi sa dakbayan sa Sugbo ug nadistino siya isip roomboy.

Dugay ra siya nga nakapaniid sa usa ka batan-on ug maanyag nga babaye nga sagad ikauban sa hamtong lalaki sa pagsulod nila sa motel.

Usa ka higayon daw giswerte si Artemio kay bakante ang kasikbit nga kwarto nga gisudlan sa maong babaye ug sa hamtong nga lalaki. Misulod si Artemio didto sa pikas kwarto ug nagpatoo nga nanglimpyo.

Gi-lock dayon ni Artemio ang kwarto. Nahuman na niya og pagpanglimpyo ang maong kwarto apan pamuso ang iyang tumong niining higayona.

Sagad sa mga roomboy sa mga motel duna g’yuy mga sekreto nga lungag nga giandam na daan aron ilang kali-li-an kun gusto sila nga mamuso. Wala pawnga sa lalaki ang suga sa kwarto mao nga klaro kaayo ni Artemio nga nakita ang duha.

Dugay ra kaayo nga may kaibog si Artemio sa maong babaye nga sagad ikauban sa hamtong. Gani iya kining tutokan sa matag sulod niini sa motel.

Nakabantay si Artemio nga wala’y relasyon ang maong babaye ug ang hamtong kay diha gani’y higayon nga nakita niya nga mihilak kini human sa ilang kumbati ug sa lalaki.

Wala makabantay ang lalaki nga mihilak ang iyang kauban kay nakatagpilaw kini sa kakapoy. Mosulod-mogawas sa kwarto si Artemio kay aron dili masakpan sa mga kauban nga namuso didto sa lawak.

“Diin ka man Art? Ganina ra mi nga nangita nimo,” matud sa kauban niini nga roomboy nga si Bert. Napugos si Artemio sa pagtug-an nga namuso siya didto sa lawak niadtong bag-o pang sulod nila nga customer.

Giatangan g’yud ni Artemio nga mogawas ang maong customer nila nga bag-ohay pa niya nga gibuso. Dihang hapit na motulo ka oras didto na si Artemio nga nag-atang sa atbang sa maong kwarto.

Dili na siya makahimo sa pagbuso pag-usab kay nasudlan na og customer ang kwarto nga tupad sa lawak nga gisudlan sa babaye ug kadtong hamtong.

“Kyot kaayo kanang babaye nga kanunay’ng ikauban sa hamtong lalaki Art no? Wala kay swerte kay dili ikaw ang nakatag-iya,” giingnan si Artemio ni Bert. Dayon, nakita nila nga migawas na sa kwarto ang babaye ug ang hamtong lalaki.

Nasabot nila nga dili kwartahan ang lalaki kay mag-taxi ra gani kini inig sulod sa motel ug sa paggawas taksi ra usab ang sakyan. Gibuhong pag-ayo ni Artemio ang iyang mga mata pagsud-ong sa panagway sa babaye. Nagkatinutokay silang duha. (Sumpayan)