Mata sa Kasingkasing

“Nakita ko kamo nga misulod sa usa ka snack bar.”

“Diay ba? Aw, dili man tingali daotan kun makigkuyog ko niya?”

“Dili daotan alang nimo, Angeline. Pero gisakitan ko sa akong nakita.”

“Unsa? Nagselos ka ba?”

“Tingali.”

Wala motingog si Angeline. Gitutokan niya si Robert.

“Si Erik ba diay ang hinungdan kun nganong hangtod karon wala pa gyud nimo dawata ang akong gugma, Angeline?” Nangutana si Robert.

“Nasayop ka, Robert,” tubag ni Angeline. “Managhigala lang kami si Erik. Si Almina ang girlfriend ni Erik busa dili ka angay magselos kaniya.”

Milungtad og pipila ka gutlo ang panagsulti nila ni Angeline ug Robert. Human mapasabot ni Angeline ang ulitawo sa tanan, mibiya na kini sa iyang nahimutangan. Mibiya si Robert sa library.

Misugod dayon si Angeline pagtuon sa iyang mga leksiyon. Iyang gi-review ang iyang notes. Gibasa kini niya’g maayo.

Apan mora’g gisungog si Angeline sa demonyo. Kay wala madugay sa iyang pagtuon sa iyang leksiyon, miabot si Almina ug nakigsulti kaniya. -- Sumpayan pa