Mata sa kasingkasing

“Lakaw na,” apura ni Vera. “Nagpaabot siya nimo sa sala.”

“Ikaw lay atubang niya, Day,” giingnan ni Angeline si Vera.

“Naunsa ka diha? Ikaw maoy iyang tuyo unya ako’y imong paatubangon? Bahala pud uroy.”

Wala na sab makatingog si Angeline.

“Pakigsultihi lang gud siya, Day,” gikan ni Vera. “Pasabta’g maayo aron di na siya magbalikbalik.”

Napugos gayod si Angeline sa pagpakigsulti kang Robert. Girespetohan lang niya ang ulitawo bisan wala siya sa mood sa pagpakigsulti niini.

Pagkaugma, human sa ikaduhang klase ni Angeline sa iyang major subject sa buntag, midalikyat siya’g adto sa BQ Mall kay vacant period na man niya. Duna siya’y paliton nga gikinahanglan kaayo sa usa sa iyang mga subject.

Pagsulod ni Angeline sa main entrance sa BQ, midiretso siya ngadto sa school and office supplies department. Wala magdahom si Angeline nga makabagat sila si Almina sulod sa maong department store.

“Mahimo bang magsulti ta?” Giingnan siya ni Almina. -- Sumpayan pa